De Markus Dieth wot in de Regiirigsrot

Markus Dieth 2013 BahnhofWas eigetlech alli längscht vermuetet hei, isch jetzt offiziell: De Markus Dieth wot in de aargauisch Regiirigsrot. Bi de GV vo de CVP Wettige het er geschter bekannt geh, dass sini Frau grüens Liecht geh hetti für e Kandidatur. D Arbet im Regiirigsrot het er als spannendi schöni, dankbari und herusforderndi Ufgab bezeichnet.
Ob es würklech zu ere Kandidatur chunnt, muess aber d CVP Aargau am 26. April entscheide. Zudem wird e Findigskommission, wo vom Peter Voser gleitet wird, Gspröch mit em Markus Dieth und allfällig witere Interessiirte führe.

Mir Wettiger wäre stolz, wenn eine vo ois im Regiirigsrot wär und mir wünsched im Markus Dieth alles Gueti. Wenn mir ihn als Gmeindsamaa verliire isch das uf de andere Site aber au schad. Aber wi au immer. Mir hei es chlises Video gmacht um z zeige, wi de Zuekünftig Arbetswäg vom Markus Dieth det usgseh 🙂

 

Au s Badener Tagblatt het drüber brichted: http://www.aargauerzeitung.ch/aargau/kanton-aargau/ja-ich-will-markus-dieth-bewirbt-sich-fuer-kandidatur-fuer-den-regierungsrat-130093593

Advertisements