Wer chönnt neue Gmeindsammaa werde – e Spekulation

De Markus Dieth het bekannt geh, dass er Regierigsrat well werde. Au wenn uf dem Weg  no einigi Hürde vor ihm werdet lege, wie d’ Nomination durch sini Partei, Endi April und natürlich d Regierigsratswahl im Oktober, stönd sini Chance doch scho sehr guet, so dass mir vo de Wettiger Nochricht eus fröged, wer sini Nachfolg chönnti aaträte oder zumindescht für das Amt chönnti kandidiere.

2015-10-31 13.57.14D Fraktions-Präsidente vo de Fraktione im Iiwohnerrot hend mir nöd ahgfroged, wil mir devo usgöhnd, dass zu some früehne Ziitpunkt eh no Keine öppis würd säge. Somit esch klar: Es esch e reine Spekulation, wo quasi «uf eusem Mischt» gwachse esch. De Fokus rechted sich debii uf amtierendi Gmeindröt, allefalls no uf de eint oder ander Iiwohnerrat, falls di chlinere Parteie au Kandidate wend portiere.

Nach euserne Informatione,  het sit längerem immer d CVP de Gmeindsamme gstellt und so esch z erwarte, dass si en Kandidat wird ins Renne schicke. Im Fokus stoht us eusere Sicht ganz klar natürlech de Roland Kuster, und so wies uusgseht au nur Er.

D SVP, wo bi de letschte Wahle so veel Sitz im Iiwohnerrat eroberet hed wie d CVP und au generell uf de Erfolgswelle rittet, chönnt au en Kandidat oder e Kandidatin präsentiere. Am nahelegendschte wär de amtiirend Gmeindrot Daniel Huser, wo sicher au vo Lüt wählbar wär, wo links vo de SVP z vertrette sind. E Kandidatur vo sinere Tochter de Michaela, wo sicher au veeli Stimme chönnt übercho, wär numme möglich, wenn de Daniel Huser us em Gmeindrot dät usscheide. Di Variante wär also eher unwahrschiinlich.

Bi de FDP isch d Situation echli schweriger. Die einzig FDP-Gmeindrötin, d Antoinette Eckert het us oisere Sicht vermuetlech kei Ambitione uf das Amt, ohni ihr welle z nöch z’trette, aber scho us Altersgründ eher ned.

Bi de SP esch, nach em aakündigte Rücktritt vo de Yvonne Feri, numme no de Markus Maibach im Gmeindrot. Uf de linke Site vom Parteiesprektrum hätti er sicher di beschte Chance, will er vo sim politische Standpunkt und de umgängliche Art her, sicher bis wit über d Mitti usse wählbat wär.

Bi de chline Fraktione isch eher ned mit Kandidature z rächne und wenn, denn sind es ja sehr wahrschinlech die, wo bi de letzschte Gmeindrotswahle gschiterte sind: de Michael Merkli (BDP) und d Ruth Jo. Scheier (glp), wo aber us oisere Sicht kei Chance hättet, gwählt z werde.
Au wenn es reine Spekulation esch (mir chönd das nöd oft gnueg betone), vermuete mir – spöteschtens im 2. Wahlgang – ein Zweikampf zwüschem Roland Kuste rund em Markus Maibach.

Advertisements