S Gluri Suter Huus (GSH) het am Sunntig, 13. März 2016 mit ere Vernissage d Saison eröffnet. Zwei Usstellige sind glichzitig eröffnet worde und vili Kunschtinteressiirti hei de Wäg ins alte Rigelhuus gfunde.
D Usstelligsrüüm im Dachgschoss und d Stäge sind guet gfüllt gsi, wo de Gmeindsamaa Markus Dieth es Grusswort gsproche het. Sichtlich stolz isch er gsi uf das, was sich im Gluri Suter Huus entwicklet het und dankbar fürs Legat Ricklin, wo – zumindevht im Uswahl- zum erschte Mol em Publikum präsentiirt worden isch. Da Kurator vom GSH, de Ruedi Vellhagen, het d Usstellig «NEXT STOP» em Publikum vorgstellt. Werk vo ganz verschidnige Künschtlerinne und Künschtler hei da zämme gfunde und de Ruedi Vellhagen het de Bsuecherinne und Bsuecher empfohle, d Usstellig mehrmols z bsueche und sich au emol Ziit z näh, es Bild von Stund lag aazluege, um richtig iiztauche. Das sig besser wi jedi Meditation het er gmeint.
D Bedütig vom Legat Ricklin het dann de Ruedi Sommerhalder iidrücklich gschilderet. Zum eine, in dem er di künschtlerischi Entwicklig vo vo de Ilse Weber, em Max Gubler und de andere, von dene Werk in dere Sammlig z finde sind, zum andere indem er uf di jewilig Aazahl vo de Werk iigangen isch, wo d Gmeind Wettige durch das Legat zusätzlich übercho het. Bsunders geürdigt het er es Schlüsselbild vo de Ilse Weber, wo jetzt noi de Gmeind Wettige ghört.
Wettiger Nochrichte 