D AFM Futsal Maniacs heis gschafft! De Verei het in de Wankdorfhalle z Bärn de Final vo de Swiss Futsal Premiere League gunne!

AFM Schwizermeischter 2016
D AFM Futsal Maniacs fiired de Titel (Foti: Facebook)

 

De Match isch es Wechselbad vo de Gfüehl gsi, wo au di, wo nöd mit uf Bärn hei chönne reise, uf de Facebook-Site vo de Maniacs hei chönne miterläbe. Zur Halbzit sind d Maniacs gege Minerva mit 2:4 vorne gläge. Mit em 5:5 nach em Ablauf vo de reguläre Spilzit isch klar gsi: Es bruucht e Verlängerig! De Match isch dann an Dramatik kaum z überbiete gsi und füf Minute vor Schluss het es so usgseh, als sig alles klar und Minerva Schwiizer Meischter. 8:5 het es zu dem Zitpunkt gheise. Aber mit vil Iisatz und vilicht au ere Portion Glück isch d Verlängerig mit eme 9:9 z Ende gange. S aaschlüssende Penalty-Schüsse hei d Maniacs dann chönne für sich entscheide und sind damit Schwiizer Futsal Meischter! Härzliche Glückwunsch!