Furttalchrüzig: Es isch en Ufall gsi!

Geschter hei mir vo Blauliechtfahrzüüg, Verkehrsregelig durch Polizischte und em muetmassliche Ufall uf de Furttalchrüzig brichted. Jetzt isch klar: Es isch en Ufall gsi, bi dem zwei Lüt in eme Chliwage verletzt worde sind.

Quelle: Kapo Aargau

De zerstört Chliwage

Wi d Kantonspolizei (Kapo) Aargau hüt uf ihre Homepage brichted, het en 58-jährige Chauffeur vo eme Sattelschlepper de Ufall usglöst. Er het schints s Rotliecht überseh und isch vo Ottelfinge her in d Chrüzig innegfahre, will er du d Autobahn het welle. Glichzitig sind zwei Lüt im Alter vo 68 und 62 in eme Toyota Yaris uf em Wäg vo Würelos uf Wettige über d Chrüzig gfahre. Bi de Kollision vo de beide Fahrzüüg sind d Insasse vom Yaris verletzt und mit de Ambulanz ins Spital brocht worde.
Gege de Chauffeur het d Staatsaawaltschaft Bade es Strofuntersuechig iigleitet und em portugisische Chauffeur sin ausländische Führeruswiis aberkannt.

Advertisements