De Circus Royal gaschtiirt z Wettige

Vo hüt, Fritig, 18. März bis am Sunntig, 20. März 2016 het de Circus Royal uf de Zirkuswise sini Zelt ufgschlage.

2016-03-18 09.23.07Mit jewils 2 Vorstellige pro Tag gits insgsamt sechs Ufführige, wo s Publikum de Circus cha bsueche. S Programm umfasst au e Nummere mit Leue, wo em Circus Kritik vo Tiirschützer iibrocht het, wil en artgrechti Haltig im Circus nöd möglich sig. De Circus argumentiird aber, dass grad di wiise Leu in de Natur nöd chönnte überläbe und si im Circus  somit gschützt sind.
Ufführige gits am
Fritig, 18. März 2016 um drü am Namittag und um achti am Abe
Samschtig, 19. März 2016 um drü am Namittag und um achti am Abe
und am
Sunntig, 20. März 2016 um elfi am Vormittag und um drü am Namittag
D Circuskasse sind am Fritig und Samschtig vom zähni am Vormittag bis um achti am Abe und am Sunntig bis um drü göffnet.

De Zoo isch am Fritig und am Samschtig vom zähni bis um sächsi und am Sunntig bis um drü offe.

Advertisements