Sit de Serie «Der Bestatter» im Schwiizer Fernseh lauft, hei d Berührigsängscht mit em Bestattigswese e chli abgnoh, so dass mir hüt au us dem Metier öppis brichte. D Badener Bestattige, wo ja z Wettige a de Etzelstroos ihri Heimet hei, hei es nois Fahrzüg.
S bisherigi Fahrzüüg, wo aber weiter bruucht wird, isch numme ufgfalle, wenn me im Vorbifahre de Schriftzug «Badener Bestattungen» gläse het oder s Auto eh kennt het. Mit sinere markante Farb isch es nämlich ufgfalle, ohni sofort als Lichewage erkennbar z si. Mit em noie Fahrzüüg vo de Firma isch das e chli anderscht. Der vo de dütsche Spezial-Firma Kuhlmann Cars umbaute Mercedes isch dütlich als Lichewage z erkenne. Für d Bestatter bringt er einigi technischi Vorrichtunge mit sich, wo ihne d Arbeit erlichtered.
Wettiger Nochrichte 