D Miss Earth gilt als drittgröschte Schönheitswettbewerb vo de Wält. Bi nationale Vorausscheidige werde d Kandidatinne ermittled. D Siigerin söll dann e Botschafterin für de Klimaschutz si.
Bi de diesjährige Wahl zu de Miss Earth isch e Wettigeri beteiliged. D Stefanie Zimmerli, e 21.jährigi Coiffeuse, isch eini vo de Kandidatinne bi Miss Earth Schwiiz. Si isch uf eme Hof an de Otelfingerstroos ufgwachse, zämme mit Ross und Schottische Hochlandrinder. Sit em letschte Johr hets dete es Solardach.
Bim Miss Earth Schönheitswettbewerb gohts nöd numme um d Schönheit, sondern au de Umwält, bsunders de Klimaschutz spiilt e grossi Rolle und so wot d Stefanie Zimmerli e Botschafterin für de Klimaschutz werde. Aber au d Bildig vo Chind z Afrika isch für si es wichtigs Thema und d Hilf für bedürftigi Lüt.
Mir vo de Wettiger Nochrichte wünsched de Stefanie Zimmerli viil Erfolg.
Wettiger Nochrichte 