Sit d Wettiger Gmeindrötin Yvonne Feri (SP) ihre Rücktritt bekannt geh het, isch drüber spekuliirt worde, wen d SP in s Ränne um ihri Nochfolg wird schicke. Jetzt isch es klar! D Generalversammlig vo de SP Wettige het geschter d Kirsten Ernst nominiirt.
D Partei cha nach intensive Gspröch, so schribt si in ere Mediemitteilig, mit de Kirsten Ernst e kompetenti Kandidatin präsentiire. Sit sibe Jahr isch si Schulpflägerin, zudem isch si im Iiwohnerrot Wettige. Damit isch ihre de politisch Betriibe vertraut. D Kirsten Ernst isch 1964 gebore, z Wettige ufgwachse und schaffed sit öppe 12 Johr als diplomiirti Lerntherapeutin ILT/SVLT. Zudem isch si für in eme KMU, wo si zämme mit ihrem Maa het, für de Personal- und Finanzberiich zuständig.
Wer d Kirsten Ernst no nöd kennt, der het in de nächschste Möent bis zum Wahltermin im Herbscht sicher Zit si kennezlehre, denn mit dere Mediemitteilig isch de Wahlkampf lanciert!
Wettiger Nochrichte 