D Fahne vom Schütze Bataillon 4 isch übergeh worde 

S Wetter het so halbwägs mitgspilt, so dass d Fahne vom Aargauer Schütze Bataillon 4, wo mit de Armeereform Armee XXI ufglöst worden isch, uf em Rothuusplatz het chönne übergeh werde.


D Gschicht und Tradition sind bi dem Aalass, wo am Fritig, 8. April vor em Rothuus stattgfunde het, im Mittelpunkt gstande. Wettiger Verei und Organisatione sind mit ihre Fahne cho, e Militärmusik und d Wettiger Tamboure hei d Fahneübergab musikalisch umrahmt. De Gmeindrot und Oberst a.D. Roland Kuster het d Gschicht vom Bataillon geschilderet, nachdem er d Ehregäscht bsunders begrüesst het gha. Au de Gmeindsamaa Markus Dieth het es Grusswort gsproche und de Wert von Traditione betond. F Fahne wird jetzt im Rothuus langfristig ihre Platz finde. Am Schluss hei sich alli bi eme Apéro im Rothuus chönne stärke und e chli ufwärme.

Advertisements