D Wettiger Nochrichte sind Dank oich en Erfolgsgschicht

Wo oiser au ois unbekannter Vorgänger am  2. April 2012 de erschti Artikel vo de Wettiger Nochrichte poschtet het, het er nöd chönne wüsse, wi sich das Projekt wird entwickle, zumal s Projäkt im 2013 fascht iigschloffe isch.

Screenshot 2016-04-19 14.41.11Wo’s im 2014 dann mehr Artikel geh het, hei d Ufrüef vo de Nochrichtesite au dütlich zugnoh. 4’315 Site sind vo 2’464 Bsuecherinne und Bsuecher ufgrüeft worde (wobi di selbe Lüt, wo an verschidnige Täg d Site ufrüefe, als noii Bsuecher erfassd werde).Im 2015 het d Site dann 12’079 Siteufrüef vo 7’492 Bsuecherinne und Bsuecher gah.
Im 2016 hei mir hüt, am 19. April 2016 bereits d Siteufrüef vo 12’079 vom Vorjohr überschritte und hei das zum Aalass für den kurze Artikel gnoh.
Mir wend nämlich oiserne Läserinne und Läser danke fürs Interesse an oiserne Nochrichte und no meh danke mir allne, wo scho aktiv Biiträg für de Blog gschribe oder iigreicht hend. Denn letschtlich isch das es Ziil vo de Wettiger Nochrichte:

Nochrichte vo Wettigerinne und Wettiger für Wettigerinne und Wettiger.

Wer also vo Noiigkeite hört oder für sin Verei oder Organisation oder sini Firma öppis wot schriibe, dann schicked ois das an wettigernews(at)gamil.com, am bechte mit Föteli. Verei und Partei chöi übrigens au en eigede Zuegang zum Blog übercho.

Fabi und Lutz

Advertisements