Am Donnschtig, 21. April 2016 started wider d Früehligsmess Baue+Wohne im Tägi. Bis am Sunntig wird es grosses Aagebot für Huus und Garte präsentiird.
Bi de traditionell Früehligsmess im Tägi präsentiired 330 Fachfirme ihres Aagebot zu de Theme Chuchi, Badzimmer, Garte und effizienti Gebäudeernoierig. Di noischte Trends bom Baue und Renoviire sind z erkunde, Gschpröch mit Experte und gratis Fachvorträg sind au im Aagebot vo de Mess. Zudem gits u.a. aktuelli Immobilieaagebot vom NAB-Marktplatz, Kochdemos mit em Iisatz vo de noischte Grät für d Chuchi und Tipps vo de Kantonspolizei zum Thema Iibruchschutz. Am Donnschtig und Fritig isch d Mess Baue+Wohne vom eis am Namittag bis am Abe um achti offe, am Samschtig und Sunntig vom zähni am Morge bis um sächsi am Abe. De Iitritt am Donnschtig isch gratis, an de andere Täg choscht de Iitritt 10 Stutz.
Witeri Infos: www.bauen-wohnen.ch
Wettiger Nochrichte 