Di bekannt Bloggerin Kafi Freitag, wo e Kolumne uf em Online-Portal «Watson» und bim reformiirte Magazin «bref» het, wird z Wettige bi eme Gottesdienscht mitwirke.

Kafi Freitag (Foti: Andrea Monica Hug)

De reformiirt Wettiger Pfarrer Lutz Fischer-Lamprecht het d Kafi Freitag iiglade, in sim Gottesdienscht am 29. Mai 2016 in de reformiirte Chile a de Etzelstroos e Gaschtpredigt z halte, wi beidi uf Facebook mitteild. S Thema wird  Nächschteliebi si. D Bloggerin, um dere ihri Kolumne im «bref» es bsunders im Weschtaargau e Kontroverse geh het, wo au in de Medie ustrait worde isch, het sich schints sehr über d Iiladig gfroit. Jedefalls het si d Iiladig uf Facebook als «geilste Anfrage ever» bezeichnet.

 

 
Wer derbi si wot: De Gottesdienscht isch am 29. Mai um halbizähni am Morge in de reformiirte Chile z Wettige.