Di reformiirt Chilegmeind organisiiert sit vilne Johr d Kolibritäg in de Früehligsferie. In dem Johr hend si zum zweite Mol zämme mit de Chilegmeind Würelos stattgfunde, au will mein so grösseri Projäkt cha organisiire.
Noch bevor alli Flyer für d Kolibritäg verteiled so gsi, sind si scho usbueched gsi. Öppe 70 Chind us Noiehof, Würelos und Wettige hei vom Tsischtig, 17. April bis Fritig, 22. April jede Tag im Chilegmeindshuus troffe, um mitenand Gschichte z lose, z singe, z bäte und e riisigi Stadt us Holzklötzli z baue.
Am Sunntig isch dann de Abschluss mit eme Gottesdienscht gefiired worde und im Aaschluss dra hets en Apéro geh. D Chind hend dann stolz de Eltere und andere Interessiirte ihre Bauwerk chönne präsentiire, bevor si alles hend la in sich zämmestürze. De grossi Turm in de Mitti, wo vo allne Chind gmeinsam baut worden isch, rekordverdächtigi drüehalb Meter höch isch gsi und us 9’900 Holzklötzli bstande het, het es Zitli Widerstand gleischtet, bevor in sich zämme gschtürzt isch. Beim Ufruume hend dann alli mit aapackt und kurz druf het im grosse Saal vom Chilegmeindshuus nüd me dra erinneret, dass e Woche lang 70 Chind mit Begeischterig 80’000 Holzklötzli verbaued hend.
Hiir oiser Video-Bricht über d Kolibritäg:
Wettiger Nochrichte 