Hüt isch de Tag vo de offene Wy-Chäller gsi

Am 1. Mai, em Tag vo de offne Wy-Chäller händ über 230 Winzer us de Dütschschwyz ihre Chäller offe gha. D’Wettiger Winzer händ ihri Wy im Wy-Chäller vom Meinrad Steimer und uf em Lindeplatz bim Paul Steimer präsentiert.
WP_20160501_14_11_07_Pro (2).jpgA dem rägnerische Sunntig sind einigi Interessierti usem Dorf, aber au vo de witere Umgäbig verbiicho und d’Wettiger Wy go deguschtiere. Wer Luscht gha häd, häd au no anere Chäller Füerig mit em Chällermeischter Meinrad chönne teilneh und d’Jungwy diräkt us em Tank dörfe probiere. Es wird en super Johrgang 2015 werde!
Es wiiters Highlight isch de prämierti Wettiger “Schartewy” 2014 gsih. De häd bim “Goldenen Aargauer Weingenuss 2015” d’Höchschtnote i sinere Kategorie erreicht! Was gids schöners, als anerem verrägnete Sunntig im Chäller am Schärme chönne si und en feine Wettiger Tropfe trinke… (RM)

 

Advertisements