Jungwacht/Blauring vom St. Anton het au in dem Johr s traditionelli Fuessballturniir «Fubatu» organisiirt. Anderscht wi in de Vorjohr het das regionali Turniir, zu dem au uswärtigi Jungwächtler und Blauring-Maitli cho sind, in de Turnhalle vo de Kantonsschuel Bade stattgfunde.
In verschidnige Alterskategorie und zum Teil in abentüürliche Tenues hei Chind und Leiterinne und Leiter zwei Täg lang um di begehrte Pokal gschpilt. Am Samschtig sind Match vom eis am Namittag bis um föifi am Abe gange und am Sunntig vom achti am Morge bis ebefalls um föifi. Danach isch d Rangverkündigung gsi und me het au da noch de Chind und de Leiterinne und Leiter aagmerkt, dass si mit vollem Iisatz sind derbi gsi.
D Spiilerinne und d Spiiler und au d Zueschauerinne und Zueschauer hend sich natürlich au chönne verpflege. Im Zelt dusse isch es aber chalt gsi, so dass vili es vorzoge hend, bi dem chalte und nasse Wetter numme öppis dusse z hole und es dann im Vorruum vo de Halle z ässe. De guete Stimmig het s Wetter aber nöd gschad.
Öiser Video-Kurzbricht isch hiir:
Wettiger Nochrichte 