Verkehrschaos rund um de Baregg

Am Donnschtig, kurz vor de viiri isch es am  Oschtportal vom Baregg zu eme folgeschwere Uufall cho.

VUBaregg504_TeaserImageInpage_50

De veruufallti LKW (Foti: Kapo Aargau)

Wi d Kantonspolizei mitteilt, het de Fahrer vo eme LKW, wo in Fahrtrichtig Züri isch unterwägs gsi, am Donnschtig kurz vor de Viiri am Namittag uf de Höchi vo de Usfahrt Noiehof d Herrschaft über sis Fahrzüüg verlore. De LKW het d Mittelleitplanke durchbroche und querstehend d Fahrbahn blockiirt. D Fahrbahn Richtig Bärn isch in de Folg komplett gsperrt worde und Richtig Züri isch de Vercher über de Pannestreife gführt worde. De Zitverluschr Richtig Bärn het bi bis zu drü Stund gläge und de Rückstau isch bis zu 20 Kilometer lang gsi. Richtig Züri het de Zitverluscht, mit 17 Kilometer Stau, öppe zwei Stund betraage. Au uf de Nebestroose, uf di vili Verkehrsteilnehmer usgwiche sind, isch kaum noch öppis gange, so au zwüsche Otelfinge und Wettige und vo Würelos her Richtig Wettige. Erscht gege di achti am Abe het sich de Vercher normalisiirt gha.

 

Advertisements