S Öl uf de Limmig isch vom Ufall uf de A1 gsi

Geschter hend mir solwohl vomene Ölfilm uf de Limmig und vom Ufall und de Verkechrsbehinderig uf de A1 brichted. De Ölfilm stoht in direktem Zämmehang mit em Uufall.
VUBaregg504_TeaserImageInpage_50Wo mir geschter vom Öl bi de Gwaggelibrugg brichted hend, hend mir de Zammehang numme chönne vermuete, in de Zwischeziit isch er bstätiged worde: De Tank vom Laschtwage, wo am Donnschtignamittag kurz vo de viiri am Oschtportal vom Baregg verufallt isch, isch bschädiget worde und us dem Grund isch Dieselöl uf d Schtroos und bis in d Limmig abe gloffe.
Uf de A1 het d Stützpunktfüürwehr Bade mit grosse Menge Ölbinder (s. Foti) versuecht d Usbreitig vom Öl z verhindere, was aber nöd verhindered het, dass au d Ölwehr vo de Füürwehr Wettige het müesse usrücke, um en Ölsperri uf de Limmig z inschtaliire.

Advertisements