S Wetter isch zwar nöd über alli Zwifel erhabe gsi, aber d Lüt sind cho. De Quartirverein Wettige-Chloschter isch sehr z fride mit em Fäscht.
Vilicht het s Wetter de Vorteil gha, dass d Lüt kei grossi Usflüg unternoh hend. Jedefalls sind vili Bsuecherinne und Bsuecher uf d Chloschterhalbinsle cho und am Mittag hend sich vom Verpflägigsstand langi Schlange bild. Au di Stand mit Informatione zum Mittelalter, de Parcours für d Chind und d Führige sind guet bsuecht gsi. Au de Umsatz isch erfreulich gsi und so hend mir am Ändi vom Fäscht en zfridnige Finanzverantwortliche und au en zfridnige Präsident vom Quartirverein aatroffe. De Umsatz sig höch gsi und de Ufwand heig sich glohnt, so de Tenor vo de Verantwortliche.
Wettiger Nochrichte 
Naja… alles top bis uf d Verpflegig. Han denkt mer hegs langsam glernt im OK, aber nei -> 45min um e Wurst ahstah, das chas eifach nid sii…
So wit mir das erfahre hend, ligts Problem da drin, dass es z wenig Helferinne und Helfer git, bsunders bim “Aasturm” über de Mittag.