D Rägefäll vo de letschte Woche hend Folge

Du Duurräge schloht ois nöd numme ufs Gmüet, er het au anderi Folge. Wäg werde gschädiged und Felder überfluetet.

Ab en Mäntig sölls für e paar Täg trocke blibe. Wer öfter usserhalb vom Sidligsgebiet unterwägs isch weiss, dass das dringend notwendig isch.

Zum eine sind s d Buure d Liidtragende, wil uf de nasse Fäldet zum Bischpil d Härdöpfel fuuled und me nöd cha hoie. Aber au d Wäg werde stark in Mitliideschaft zoge. Bim Serpentinewäg, wo scho a de Pfingschte de Wäg schwer glitte het, gönd d Rutschige witer und oberhalb vom bisherige Problemabschnitt het sich de Wäg au scho guet 10 Zentimeter gsenkt.

Im Eigi het de Räge d Wägränder usgwäsche, so dass uf en Wäg zum Mooshof vil Kies uf d Schtroos gschwemmt worde isch.

Hend ihr au Schäde gseh, wo de Duurräge verursached het? Dann schicked ois doch Bilder mit ere kurze Beschriibug, wo es isch und was glitte hed.

Advertisements