De Serpentinewäg mached wider Probläm

D Bauarbeite am Webermühlilift mached Fortschritt, aber de Wäg isch wider prekär. Oberhalb vo de Stell, wege dere de Wäg a de Pfingschte gschperrt worde isch, het sich es nois Loch uftah und d Drainageleitung isch sit em Wolkebruch geschter sichtbar.

Dass de Wäg sich witerhin senkt, isch offensichtlich. Sowohl an de Stell wo e Brugg de Wäg begehbar mached, als au oberhalb dervo, werde d Riss und Abständ fascht vo Tag zu Tag grösser. Mir vo de Wettiger Nochrichte sind natürlich kei Geologe und chönnd vo daher kei Gwähr überneh, hend aber de Iidruck, dass di Stell nöd so cha absacke, dass e würklichi Gfahr bestoht. Für Lüt wo schlecht z Fuess oder mit Chinderwäge unterwägs sind, chönnd es in Zuekunft schwirig werde, di kürzischt Verbindig zwüsche de Noiehofer Webermühli und em Bahnhof Wettige zu passiire. 

Advertisements