Scho vor ere Woche hend sich d Manner vom Landhockeyclub Rot Wys Wettige (RWW) de Meischtertitel chönne sichere, jetzt hend d Fraue glichzoge.

RWW Schwiizer Meischter 2016.jpg
D Meischterfrauschaft vo Rot Wys (Foti: ZVg)

D erscht Frauemannschaft vo RWW het zum sechste Mol in Folg de Meischtertitel ghold. Nach em 2:1 in de Bernau am Samschtig hend Wettigerinne au s Rückspiel z Genf bi de Black Boys mit 2:1 gwonne.

 

E Woche vorher hend sich d Manner scho de Meischtertitel gsichered, gege Servette Genf. Dette isch es zunächscht aber knapper zu und hergange. Z Servette het RRW im Hispiel e 2:1-Niderlag kassiirt und in de Bernau hets zur Halbziit noch 0:0 gheisse. Wegeme Wolkebruch het de Match kurz vor em Abbruch gstande, aber wil d Genfer unbedingt hend welle fertig spile, isch es witergange. Nach em 1:0 hend d Wettiger dann richtig Fahrt ufgnoh und hend Servette mit 5:0 vom Platz gfegd.