Webermühlilift isch bald fertig 

Nach de Infos a de Baustell wird de Lift vom Stäg bi de Webermühli zu de Alberich Zwyssigstroos in dem Monat no fertig. Mir gönd davo us, dass das chlapped.

Vo Aafang an isch d Baustell vom Schräglift bi vilne Lüt uf Interesse gstosse. S Gländ isch aaspruchsvoll und de Ufwand nöd z unterschätze. Au sind durch d Grabige verbunde mit em viele Räge, Rutschige usglöst worde.

Aber es isch jetzt guet z gseh, dass d Bauarbeite vorwärts chömmed und de Lift bald in Betriib wird gnoh werde. In de letschte Täg isch s Tragwerk inschtalliert worde und au s Gstänge, uf dem d Kabine druf gschruubet wird, isch z gseh.

Advertisements