Morn started s Wettiger Fäscht

Zum 44. Mol isch es am Fritig, 1. Juli 2016 so wit. D Wettiger fiired a de Zentralstroos rund ums Rothuus.

De Präsident vom Iiwohnerrot, de Paul Koller vor de wählBAR, wo grad ufbaud wird

Ei Noierig bim disjährige Wettiger Fäscht isch de Luna-Park, wo vo hinter em Rothuus uf de Rothuusplatz zügled isch und de Verzicht ufs Fässchtzelt dete. Noi, aber einmalig isch au d wählBAR, di wegem Jubiläum 50 Johr Iiwohnerrot hinter em Rothuus wird si. Politikerinnen und Politiker, sowohl amtiirendi wi au ehemaligi, werde ums “leibliche Wohl” vo de Bsuecherinne und Bsuecher bsorgd si. 

Schuscht find me vil Altbekannts uf em Fäschtgländ, wi d OpenAir-Bühni, d Ständ vo de verschidnige Verei und de Füürwehr. De ökumenisch Gottesdienscht, wo am Sunntig um elfi aafaht, isch dismol im Zelt vo de Golden Oldies und Chind froied sich vermuetlich bsunders uf s Konzert vom Andrew Bond.

Advertisements