Wettiger Fuessballer im UEFA-Futsal-Cup

Mit em Siig bi de Schwiizermeischterschaft hend sich d Wettiger «AFM Futsal Maniacs» für de UEFA-Futsal-Cup qualifiziirt. D Gruppespiil finde z Armenie statt.
De UEFA-Futsal-Cup entspricht de Championsleague bi de normale Fuessballer und für den hend sich d «AFM Futsal Maniacs» mit ihrem Meischtertitel qualifiziirt. Jetzt isch klar, wann, wo und gege wen d Maniacs werde tschute. Vom 16. bis zum 21. Auguscht 2016 stönd z Armenie d Gruppespiil gege Apoel Nikosia (Zypere), Gentofte (Dänemark) und Jerewan (Armenie) uf em Programm.

«De gröschti Brocken isch Apoel Nikosia. Mir sind Amateur, d Nikosia-Spieler aber fascht alli Halbprofis», so de Wettinger Captain und Nationalspieler, de Alessandro Facchinetti. Mit de andere chönnte d Maniacs mithalte, so de Captain. Mir vo de Wettiger Nochrichte wünsched de Maniacs viil Erfolg und werde brichte, wi es z Armenie lauft.

Advertisements