Au z Wettige wird Pokémon go gspilt 

Pokémon go wird sit em 16. Juli 2016 au in de Schwiiz gspilt. Mir hend welle luege, wi s Spiil funktioniirt und ob vili Lüt u Wettige spiled.

Jungi Manner bim Spile vo Pokémon go

Im Spiil, wo uf Smartphones oder Tablets gspilt wird, cha me virtuelli Pokémon fange, si trainiire, entwickle und gege anderi Pokémon la kämpfe. Dazu muess me unterwägs si, denn de Pokémon und Pokébäll, wo me bruuchd, um si z fange, begegnet me numme, we me unterwägs isch. Übers Sammle vo öppe zeh Pokémon und eim Training am Bahnhof sind mir bi oiserm guet eistündige Tescht nöd usecho. Ois sind aber öppe 15 bis 20 Jugendlichi und jungi Manner begegnet, wo eidütig au am Spile sind gsi.

Us oisere Sicht het das Spiel ein grosse Vorteil, aber au en grosse Nachteil. De Vorteil isch, dass me sich bewegt und zum Bischpil animiirt wird, de Kulturwäg entlang z gah, wil me numme so Pokémon find, zu de Arene chunnt, wo me cha trainiire und kämpfe und zu de Pokéstops, wo me d Pokébäll und anderi Sache cha iisammle. De Nachteil isch, dass de Blick meischt ufs Handy und nöd uf d Umgäbig grichted isch, was di Sach nöd ungfärlich macht.

Gschpanned sind mir, ob Pokémon go numme e kurzi Hype isch oder au noch in ein Johr von so vil Lüt gschpilt wird.

Advertisements