De Gmeindrotswahlkampf chunnt in di heiss Phase

In nöd emol acht Woche wird d Nochfolg für d Yvonne Feri (SP) im Gmeindrot gwählt. Di erschte Plakat hanged jetzt.

Vo de Kirsten Ernst, Gmeindrotskandidatin vo de SP, sind sit aafangs Woche Plakat z gseh. Unterstützt wird si au vo de WettiGrüene und em Forum5430. D Plakat für de vo de SVP nominiirte Gägekandidat Franz-Beat Schwere fehled noch im Stroosebild vo Wettige, es dörft aber numme e Frog vo de Ziit si, bis au er a de Stroose optisch präsent wird. Au er het Unterstützig von ere andere Partei, de FDP.

Vo de CVP, de EVP, de glp und de BDP wüssed mir (no) nöd, ob si sich für eine vonseiten beide Kandidate usgschproche hend oder usspräche werde.

Nachtrag: Schpöteschtens sit geschter, Donnschtig, 4. Juli stönd au d Plakat vom Franz-Beat Schwere.

Advertisements