Bi de EVP hets geschter de aakünd Präsidiumswechsel geh

Sit drüehalb Johr het d Iiwohnerrötin und Schuelpflegerin Hanna Läng a de Spitze vo de EVP Wettige-Limmigtal gschtande. Jetzt het si s Präsidium wiiter geh.

Stabsübergabe bei der EVP.jpg

Di bisheri Prsidentin Hanna Läng git de Stab em Lutz Fischer-Lamprecht witer. (Foti: Hans Läng)

D EVP het extra es Gartefäschtli gmached um de Stabsübergab im Präsidium en aagmessene Rahme z geh. Trotz Ferieziit isch es guets Duzend Mitgliider zum Imbiss cho, wo d Edith und de Martin Studer de Gäscht offeriird.

Nach em Ässe het di scheidend Präsidentin Hanna Läng en Stab uspacked, in Form vo runde Zältli und het sie im noie, scho bi de GV im Januar gwählte Präsident Lutz Fischer-Lamprecht übergeh. De Iiwohnerrot, Grossrotskandidat und reformiirt Pfarrer het de Stab entgegegnoh und sich fürs Vertraue bedankd, wo d Parteimitgliider ihm entgegebringe. Er het betond, dass vil Arbet uf d Partei dät warte, wil scho im nächschte Johr Gsamternoierigswahle sind und d EVP s Ziil heig, es guets Ergäbnis z hole.

Nach eme kurze Fotitermin isch de Abig mit Kaffi und guete Gschpröch usklunge.
Gartenfest zum Präsidiumswechsel.jpg

Advertisements