Vorsicht uf de Stroose! D Schuel het aagfah.

Hüt sind Summerferie z Änd gange. Vili Erschtklässler und Chindsgichind sind wider uf de Stroose unterwägs.

I de Wettiger Schuelkreis het hüt de Unterricht wider aagfange. Au d Erschtklässler sind in de Schuelhüüser im Alteburg, Dorf und Margi willkomme gheisse worde und hend mit em Unti aagfange. D Chindsgichind gönd z Wettige traditionell erscht am Tsischtig s erschti Mol i de Chindsgi.

Insbesondere für d Automobilischte heisst das, dass si mit vilne Chind müesse rächne, wo mit em Vercher no nöd so vertraut sind. Wichtig zwüsse isch au, dass d Chind glehrt überchömmed, erscht über d Stroos z goh, wenn es Auto ganz stoht. Langsam uf en Fuessgängerstreife zuezfahren und mit Winke de Chind z zeige, so sötte über d Stroos goh, isch also nöd eso guet. Lieber normal annefahre und dann würkli ganz aahalte!

Advertisements