D Gmeind het geschter s Konzept vom noie Tägi vorgschtellt

Am 1. September 2016 wird de Iiwohnerrot über s Kreditbegehre für d Saniirig vom Tägi entscheide und danach d Stimmbürger. De Gmeindrot wot s Sport- und Erholigszäntrum für öppe 46’500’000 Franke saniire.

Nachdem di erscht Tägi-Vorlag im 2012 abglehnt worde isch hend Stimmbürger im 2014 en Projektiirigskredit vo 3.32 Millione Franke gschproche kha. S Projäkt ligd jetzt vor.
D Ziil vom Projäkt sind:

• Instandstellig vo de Huustechnik mit Lüftig, Heizig, Wassertechnik, Abwasser, Elektroinschtallatione und Iserzügig
• Instandstellig vo de Gebäudeschtrukture und en Erwiterig vo de Läbesduur vo de Aalage für di nächschte Generatione
• En noie, zentrale Iigangsberiich für d Iisfelder, d Bäder, d Sauna, s Fitness, s Bistro und Saalaalag mit Kasse, Schliifschuehverleih und Kiosk. Zudem gits en hindernissfreie Zuegang zu allne Ebene vo de Gebäud.
• Es nois Bistro im Erdgschoss für di tägliche Verpflägigsbedürfniss im Tägi, Rückbau vo de tüüre, selten bruuchte Grosschuchi im 1. Obergschoss
• Nois Dach und Tribüne bim Iisfeld
• Hallebad: Zusätzliche Chinderberiich und e noii Rutschbahn
• Saunaberich mit Ruheräum und Usseterrasse im 1. Obergschoss
• Noi Garderobe für Mönsche mit Beiträchtigunge
• Zusätzlichi WC-Anlage
• Noigschtaltig vom Vorplatz
• Rückbau vom alte Personalhuus, d Büro werde ins 1. Obergschoss vom Hauptgebäud verlagered
• Direkte Wasserbezug ab de Grundwasserfassig vom EWW statt ab em Leitigsnetz (Das spart öppe Fr. 100’000.00 Betriibchoschte pro Johr)
• Minergiestandard , Photovoltaikaalage vom EWW sind uf em Dach planed
• Kreditbegehre: Fr. 46.5 Mio (+/- 10%)

Für d Aawohner wird vo Interesse si, dass d Aazhal vo de Parkplätz mit öppe 300 gliich blibt. Für d Velo stönd in Zuekunft 400 Abstellplätz zur Verfüegig. Bi Grossaaläss isch s uswiche uf d Zirkuswise zum Parkiire au witerhin vorgseh.