Wohnigsleerstand isch z Wettige keis Thema

Scho aafangs Auguscht het s Badener Tagblatt über de Wohnigsleerstand vo Aargauer Gmeinde brichted. Mit über 6000 isch er höcher wi vor zwei Johr. Wer z Wettige e Wohnig suechd, dem nützt das nüd.

Wi us de Statistik z entnäh isch, het es am Stichtag 1. Juni 2016 z Wettige 35 freii Wohnige gha. Das isch für e Gmeind mit über 20’000 Iiwohner nöd vil. Klarer, wi schwirig d Wohnigssuechi z Wettige nach wi vor isch, zeiged en Blick in witeri Zahle. Sowohl de Leerstand vo Neubauwohnige wi au vo Eifamiliehüüser isch nach de kantonale Statistik bi null!

Trotz eme höchere Leerstand vo Wohnige im Aargau insgsamt, isch also z Wettige nöd mit ere Entspannig uf em Wohnigsmärt z rächne.

Advertisements