Alles parat för d Wahlplakat

D Wise mit de «Haifischzäh» bim Chloschter, wo im Halbchreis vo de Alberich Zwyssigstroos umschlosse wird, isch gmäht worde. Grad rechtzitig für de Regiirigs- und Grossrotswahlkampf.

2016-08-19 14.44.55.jpg

D Wise mit de Haifischzäh am 19. Auguscht

Di Wise isch beliebt bi de Parteie. Gliich ob komunali, kantonali oder nationali Wahle, ob für d Legistaive, d Exektive oder d Judiaktive und au vor Abstimmige: Si isch schnell mit Plakat übersäht. Acht Woche im Vorus dörfed d Plakat ufgschtellt werde und will d Bezirk- und Fridesrichterwahle und d Ersatzwahl för de Gmeindrotssitz vo de Yvonne Feri am 25. September 2016 isch, stönd scho einigi Plakat dete.
Dütlich meh werdet es sicher ab em 28. Auguscht werde, wenn d Plakat für Gross- und Regiirigsrotswahle dörfed ufgschtellt werde. Grad rechtzitig  isch d Wise jetzt gmäht worde, so das me d Plakat dann au guet gseht. Für vili Lüt sind d Plakat au es Ärgernis und jedes Johr gits au Beschwerde drüber. Aber mir vo de Wettiger Nochrichte meined, dass d Plakat au e wichtigi Funktion hend. We me vo öppe wo me kennd, gar nöd weiss, dass er kandidiirt, da cha me ihn au nöd wähle. Also liebi Kandidiirende: Stelled ruhig oiri Plakat uf, aber übertriibeds nöd. Drü mal s gliiche gsicht uf ere Strecki vo eihundert oder zweihundert Meter, das wot niemed gseh!

 

Advertisements