Di Gmeine Würelos, Noiehof und Wettige hend im Tägerhardwald zämme es Pumpwerk baued. Am Samschtig, 20. Auguscht 2016 cha ma das Pumpwerk bsichtige.

Wasser (Foti EWW)
Foti vom EWW

 

In sinere Sitzig am 15. März 2012 het de Iiwohnerrot vo Wettige en Kredit vo 12’939’000 Franke för de Noibau vom Grundwasserpunpwerk Tägerhardwald bewilliged. Zàmme mir de Gmeinde Noiehof und Würelos isch im Tägerhardwald uf em Würeloser  Gmeindsbann das Pumpwerk entstande. Jetzt, meh wi viir Johr nach em Bschluss über de Kredit isch es fertig und Bevölkerig isch iiglade, das Pumpwerk z besichtige. Morn, Samschtig, 20. Auguscht 2016 isch es vom zähni am Morge bis um drü am Namittag offe. Di technische Aalage chönned aaglueged werde und Fachlüt werded uf Froge rund ums Wasser Antwort geh. E direkti Zuefahrt isch nöd möglich. Usgschilderd sind d Wäg ab em Bahnhof Würelos und vom Parkplatz vo de Huba Control us.