S Chinderheim Chlöschterli het sis Sommerfäscht gfiired

Alli zwei Johr gits im Chinderheim Chlöschterli es Sommerfäscht. Für Ehemoligi e willkommeni Glägeheit vorbizluege.

Mit Fäschtzält, Zirkuszält, Schminke und Ponyriite hets bim Sommerfäscht vom Chlöschterli zahlrichi Attraktione geh. Nebe vile Ehemolige isch es au für de Wettiger e Möglichkeit gsi, im Chinderheim vorbizluege. So hend mir au Lüt aatroffe, wo zum erschte Mol im Heim vorbiglueged hend. Wils au d Möglichkeit geh het, e Wohngruppe z bsichtige, het me vil Informatione chönne übercho, wi s Läbe und Zämmeläbe im Chlöschterli funktioniirt. Trotz em nöd so sommerliche Wetter sind di Verantwortliche sehr zfride gsi.

Advertisements