Wettiger Jungwinzer cha sich national bewiise 

De Christian Steimer het sin Traumbruef gfunde. Jetzt started de 27-jährig in en nationale Wettkampf.

De Christian Steimer (Foti: zVg)

Vor öppe eim Johr het de Christian Steimer sini Usbildig uf sim Lehrbetriib i de Bündner Herrschaft erfolgriich abgschlosse. Am 3. und 4. September dörf er jetzt sini Bruefskenntise und Erfahrige a de Schwiizermeischterschafte für landwirtschaftlichi Brüef unter Bewis stelle. In 12 verschidnige Ufgabe wird de Schwiizermeischter  vo de Winzer und Wytechnologe erkore.
Verschidenschti Ufgabe warte uf d Teilnehmer, vom Staplerfahre, übers Umziehe vomene Wy bis zu ere Laboranalyse. De Wettbewerb vo de Winzer und Wytechnologe findet am 3. und 4. September a de landwirtschaftliche Schuel in Grange-Verney VD statt.

 

 

Advertisements