S 12. Wettiger Wyfäscht isch Gschicht

Am Fritig un Samschtig letschi Wuche het uf em Lindeplatz s 12. Wettiger Wyfäscht stattgfunde. Bi warmem Summerwetter hend d Lüt di fine Wettiger Wy und s zämme si gnosse.

Wi immer, hets viir Deguschtationsständ geh, wo me d Wy vo de Wybaugnosseschaft mit em Meinrad Steimer, vo Egloffs vom Grafeguet, Besserstei vo Christian Voser und vo Paul Steimer Wybau het chönne deguschtiire. S Fäschtzält het dank em Wetter niemet bruuchd und Lüt hend chönne uf de Fäschtbänk uf em Lindeplatz sitze und sich neben Wy au mit Grillade und anderem lah verwöhne. Au für di musikalisch Unterhaltig isch gsorged gsi. So het es z Wettige einisch meh es schöns, gmüetlichs und gmeindschaftsfördernds Fäscht geh.

Advertisements