Herbstmess Futsal Camp – Spiel und Spass für Chind

Bereits zum 5 mal findet s Herbstmess Futsal Camp vom 10. bis und mit 14. Oktober 2016 im Tägi z Wettige statt.
Meitli und Buebe zwüsche 6 und 18 Jahr hend d Möglichkeit mit em amtierende Schwiizermeister us de Swiss Futsal Premier League z trainiere. Spieler sowie au de Trainer vo de 1. Mannschaft freuet sich jetzt scho, ihres Chönne uf en spannendi und abwechsligsriichi Art z vermittle.

Als Höhepunkt vo dere Camp Wuche, findet am Samschtig, 15. Oktober 2016 es Schlussturnier statt, wo all Chind ihres glernte id Praxis chönd umsetze.

(Bild letztes Camp)
Futsal, d Indoor-Fuessball-Variante us Südamerika, überzügt vor allem dur s Training vo de Ballfertigkeit.

Weltfuessballer wie z.B. de Ronaldo, Messi oder Xavi händ vor ihrere Karriere als Fuessballer Futsal gspillt und sich so ihri Fuessballkünst ahgeignet.

Wie immer, werdet au i dem Jahr wieder Stars us de Schwiizer Sportwelt, de Kids Autogramm verteile und Frage beantworte.

Alli wichtige Infos und d Ahmeldig für die eimalig Campwuche findet ihr uf de Websiite www.afm-futsal.ch

Advertisements