Bi de ARWO isch geschter d Füürwehr gsi

D Sirene händ vermuetlech so manche Wettiger ufgschreckt, wo d Fahrzüüg vo de Füürwehr Wettiger uf em Wäg vom Magazin im Langäcker zu de ARWO iigschlatet gha händ. Mir chönnd aber Entwarnig gäh: Es isch d Alarmüebig gsi.

Meischt hät d Füürwehr ei Alarmüebig pro Johr. Dismol hät si z Wettige am 29. September 2016 am Abe stattgfunde. S Ziel von so ere Alarmüebig sig «d’Üeberprüefig vo de Leischtigsnorm, wommer gemäss de kantonale Vorgabe müend erfülle», so de Stabschef vo de Füürwehr Wettige, de Martin Spichale. Er hät au betond, dass me durch settigi Üebige viili Erkenntnis gwünni, wo dann id Organisation und d’Usbildig vo de Füürwehr cha iflüsse. Zudem, so de Spichale, «cha me grundsätzlich säge, dass öisi Lüüt ihres Handwerk im Griff händ und im Ereignisfall bereit sind ihri Ufgabe sicher und effizient us z’füehre!»

Advertisements