Am Fritig gits wider Birnel uf em Wochemärt

17. Birnelverchauf Wettige – emmer am 1. Fritig nach de Herbstferie 

vo Singvögel empfohle

Birnel esch es os Biredicksaft gwonnigs Naturprodukt os Schwizer Mostbire. Wänn mers nutzt, onterstützt mer d`Hochstammobstbäum. Die dickflüssig, aromatischsüssi Masse esch en wohre Tusigsassa: de delikat Gschmack erinnered liecht a Caramel ond esch velsietig isetzbar ond usgsproche gsond. Birnel ernährt, stärcht, esch liecht verdaulich ond brengt de Stoffwächsel in Schwung. Birnel esch en ideale Brotufstrich. Em Birchermüesli get er e feini Note, velne Frochtdesser get er en intensivere Gschmack ond de Chüeche ond de Guetzli brengt er öpis bsondrigs. Au i de hötige, gsondheitsbewosste Chochi findet Birnel no veli wieteri Awändigsmöglichkeite. Rezäptbüechli send bem Märtstand z`ha. De Erlös chonnt de Winterhilf ond em Vogel- ond Naturschutz zguet.

De Vogel- und Naturschutzverein Wettige verchauft das Naturprodukt i ½ kg ond 1 kg Gläser am Wettiger Wochemärt, Rathusplatz

Am Fritig, 21. Oktober 2016, vo 7:30 bes am 11:00 Uhr.

Be Froge mälded Sie sech be de Frau Susanne Berz, 056 426 09 39.

Advertisements