Setzt d ABB bim Jubiläum vor allem uf uslandischi Firmene?

Wer bi de Zirkuswise vorbigoht oder fahrd, der sieht vil dütschi Fahrzüüg uf em Feschtgländ vom 125-Johr-Jubiläum vo de BBC. Übergoht d ABB iiheimischi Firmene?

Nach oiserm Bricht über d Jubiläum vo de BBC, wo ab hüt uf de Zirkuswise gfiired wird, isch Kritik vo de Läserschaft ufcho. So gross, dass s Gäld schints numme für usländischi Firmene glanged het?!

Mir hend d Mediestell vo de ABB mit dem impliziirte Vorwurf konfrontiirt und welle wüsse, wi es konkret mit der Vergab vo Ufträg für das Fäscht usgseht. D Antwort beruhigd vilicht de ei oder ander: Di gröschte Zuliferer chämted us de Schwiiz, au us em lokale Gwerb. Aber es gäb au spezifischi Ufgabe, wo vo hochspezielisiirte usländische Firmene übernoh worde sind. D Vergab an in- und usländischi Firmene sig nöd anderscht gsi, wi das bi ähnliche Grossaaläss in de Schwiiz üblich sig, so de Sprächer vo de ABB.

Advertisements