D Drüfachsporthalle bim Chloschter wird baued

Uf em Sportplatz vom Chloschter isch hüt de Spatestich für d Dreifachspothalle gsi. De ganz Bau wird unterirdisch usgführt.

IMG_0732.JPG

Bim Spatestich v.l.n.r.: Nadine Müller ( Sektionsleiteri IMAG DFR), Markus Dieth, Roland Brogli, Francois Chapuis (Kantonsbaumeischter) und Paul Zübli (Rektor vo de Kanti)

S Chloschterareal gilt als Denkmal vo nationaler Bedütig. Us dem Grund dörf de Blick uf d Aalag nöd durch noii Gebäud behinderet werde. D Kantonsschuel (Kanti), wo im letschte Jahrzehnt aber starck gwachse isch, bruucht noii Rüüm, bsunders au e Sporthalle. Scho im 2009 sind di erschte Studie dazue gmached worde. Will s Chloschter im Eigetum vom Kanton isch und au d Kantonsschuel Sach vom Kanton isch, het de Gross Rat über d Halle müesse befinde. Im Januar 2014 het s Kantonsparlament bschlosse, dass s Projket um 20% muess abgspeckt werde.
Aber hüt am 21. Oktober 2016 isch es endlich so wit gsi: De Spatestich het chönne vollzoge werde. Dazu isch u. a. de Regiirigsrot Roland Brogli uf Wettige cho. Zamme mit em Gmeindamma Markus Dieth und andere Persönlichkeite het er de Spatestich vollzoge. In de nächschte 20 Mönet wird nebe de bisherige Sporthalle und em Beach-Volleyball-Platz e Drüfachsporthalle entstoh. Sie stoht nach de Fertigstellig de Kanti und am Abe au de Verei zur Verfüegig.
Sicher werde mir oich, liebi Läserinne und Läser, über d Fortschritt vom Bau uf em Laufende halte.

 

Advertisements