Bi de geschtrige Grossratswahle sind sibe Wettigerinne und Wettiger in de Grossi Rat gwählt worde. De gröscht Sprung nach vorne het d Michaela Huser vo de SVP gmached.
Sechs vo de sibe gwählte (ohni de Markus Dieth mit z zähle, wo in de Regiirigsrat gwählt worde isch) sind bisherigi Grossrät gsi. Neu in de Rat gwählt worde isch d Michaela Huser vo de SVP. Si isch uf em 21. Lischteplatz gsi und het vo dete 14 Plätz guet gmachd, was zum Iizug ins Kantonsparlament glanged het. Übertroffe worde isch si, was en Sprung nach vorne aagoht, numme vom Michael Wetzel (CVP) us Ännetpade, wo 23 Kolleginne und Kollege überholt het und in de Gross Rat nachrütscht, wil de Markus Dieth in de Regirigsrat gwählt worde isch. D Wettiger CVP het dadermit kein Grossrat meh, aber mit em Roland Kuster, wo ebefalls 16 vor ihm plaziirte Kandidiirende überholt het, öpper uf em 2. Ersatzplatz. Zwei Wettiger Iiwohnerrät hend sich zudem de erscht Ersatzplatz uf ihre Parteilischte gsichered und zwar de Michael Merkli (BDP) mit 1’217 und de Lutz Fischer-Lamprecht (EVP) mit 2’128 Stimme.
Gwählt worde sind:
Quelle vo de Föteli: http://www.ag.ch/app/wahlen/grw2016/output/dp_detail.html
Wettiger Nochrichte 