Bald isch wider «Begegnig und Bazar»

De Bazar im reformiirte Chilegmeindshuus isch legendär. In de letschte Johr het es sich e chli verändered, aber all das, wo ihn so speziell gmacht het, gits immer noch und no vil anders dazue.

Wikimedia commons User:Badener cc-by-3.0

Chilegmeindshuus Wettige

Im letschte Johr isch us «Bazar und Begegnig» «Begegnig und Bazar» worde. Dadermit hend Organisatorinne zeiged, dass sich de Schwerpunkt vom Verchauf uf s Zämmecho verschiebt. Au d Verschiebig vom Termin, «Begegnig und Bazar» isch im letschte Johr zum erschte Mol aneme Wochenend gsi, wird bibhalte.
Ässe und trinke, Verchaufsständ, Spiel und Spass. Für jede isch öppis derbi, wenn im reformiirte Chilegmeindshuus am 11. und 12. November d Tüüre wider wit offe stönd.
Vo de selbergmachte Guetzli bis zu de glismete Socke isch wider alles z ha.  Damit alli d Glägeheit hend zum Cho, au di, wo unter de Woche brueflech, familiär oder wo au immer z fescht iigspannt sin, findet de Aalass zum zweite Mol am Fritig und am Samschtig statt. Und wenn meh Lüt chömmed, dann bliibt au me Geld, wo de Sternschnuppe (www.sternschnuppe.ch) und de Stiftig Hus Morgestern (www.hausmorgenstern.ch) z guet chunnt.

Freitag, 11. November 2016 :
Verchauf 15 – 19 Uhr
Restaurantbetriib ab 15 Uhr, warmi Chuchi 17.30-20.30 Uhr

Samstag, 12. November 2016:
Verchauf 9 – 15 Uhr
Restaurantbetrieb 9 – 15 Uhr, warmi Chuchi ab 11 Uhr
Chinderunterhaltig, Chinderschminke

Advertisements