D Abstimmigs- und d Wahlunterlage chömmed ins Huus

Di eine hend si scho, di andere überchömmed si demnächscht, d Unterlage für de 27. November 2016. Für Wettige stoht einiges uf em Spiil.

Nebe de eidgnössische Atomusstiigsinitiative Volksinitiative und viir kantonale Abstimmige, goht es am nächschte Wahl- und Abstimmigssunntig au um zwei wichitgi Wettiger Gschäft und um de 2. Wahlgang zum Regiirigsrat mit Wettiger Beteiligung.
Bi letschterem tritt d Yvonne Feri (SP) wider aa, so dass es imme rnoch möglich isch, dass Wettige nüd numme de erscht Regiirigsrot vo sinere Gschicht het, sondern au no zu ere Regiirigsrötin chunnt.
Au di beide kommunale Vorlage sind wichtig. Zum eine gohts ums Budget 2017, wo de Iiwohnerrat dütlich aagnoh het, aber vo de SP, de EVP und de WettiGrüene abglehnt worden isch. Zum zweite stoht d Abstimmig über de Kredit zur Saniirig vom Tägi aa. Dete gohts um en Investition in Höchi vo Fr. 46’530’000.00, damit s Hallebad, d Iisaalag und di andere Gebäudeteil chönnt wider in Stand gstellt werde, so dass s Tägi wider zumene Ushängeschild vo Wettige wird.

Advertisements