Z Wettige isch en Wältrekord broche worde 

De Wältrekord fürs Tätowiire het bisher bi 54 Stund gläge. Jetzt isch er z Wettige uf 56 1/2 Stunde erhöht worde.

Tele M1 und s Badener Tagblatt hend über den spezielle Rekord brichtet, wo sich in de letschte Täg ereignet het. In eme Tatoo-Studio het de Spanier David Barrera García 56 1/2 Stund am Stück tätowiirt , wobi er alli viir Stund het dörfe 20 Minute Pause mache. Di isch au für sin Kolleg, Roberto Perea Sanchez wichtig gsi. Sit em Fritig am Morge het er sich en Tiger und s Gsicht vo sim Sohn la steche.

Dass de Rekord z Wettige stattgfunde het, het mit de Gsetzeslag z Spanie z due. Dete dörfed us hygienische Gründ numme de Tätowiirer und de zu Tätowiirend im Ruum si. Für d Aaerkennig vom Weltrekord sind aber Züüge und e Videoufnahm unverzichtbar. Uf de Suechi nach eme Studio im Usland sind di beide z Wettige fündig worde. 

Advertisements