De noi Kunschtkalender vo de Kiwanis isch da

Zum 14. Mol gits de Kunschtkalender, wo de Kiwanis Club mi Bilder vo ARWO-Bewohner produziirt und verchauft. Am Tsischtig isch im «Sterne» d Vernissage gsi.

Screenshot us em Badener Tagblatt

D Bilder vo 13 Künschtlerinne und Künschtler hend ihre Wäg in de noi Kunschtkalender, wo ab sofort kauft werde cha. De Kiwanis Club Wettige het au i dem Johr wider de Kalender usegeh. Finanziirt wird d Produktion mit em Verchauf vo de Originalbilder und de Überschuss us em Verchauf chunnt de ARWO – Stiftig für Behinterti z Wettige z guet. So hend d Kiwanis de ARWO au en Check in Höchi vo 29’000.- Franke chönne überreiche, was em Erlös vom Kalenderverchauf vo de letschte beide Johr entspricht.

1500 Kalender fürs 2017 warted jetz uf Käufer und chönnd für 20 Franke an folgende Standort z Wettige chauft werde: Vini Sacripanti und Schmocker + Sägesser AG, beidi a de Lägewrestroos und in de Rathaus Apothek a de Landstroos. De Kiwanis Club verchauft d Kalender au am Samschtig, 3. Dezember uf em Wiehnachtsmärt z Bade.

Advertisements