Zügenufruef: Uufall mit eme 12-jährige

Geschter, Mentig, 21. November 2016 isch en 12-jährige Bueb bi eme Uufall verletzt worde. D Kantonspolizei (Kapo) sucht Züüge, will de Uufallhergang nöd klärt isch.

161121-vuwettingen504_quelle-kapo

Foti vom Uufallauto (Quelle Kapo AG)

De 12-jährig isch mit em Velo unterwägs gsi, wo er geschter gege di Föifi am spote Namittag uf Höchi vo de Schuelaalag a de Zentralstroos vermuetlich uf em Fuessgängerstreife d Stroos het welle überquere. Dete isch es Auto mit ihm kollidiirt, wo von ere 46-jährige gstüüred worde isch. Ob de Schüeler z Fuess mit em Velo oder uf em Velo unterwägs gsi isch, isch no nöd klärt und isch en Teil vo de Untersuechige vo de Kapo.
Du Bueb, wo us de Region isch, het sich lichti Verletzige zuezoge. D Mobil Iisatzpolizei z Schoofisse  (Tel. 062 886 88 88) bittet allfälligi Züüge sich z melde.

 

Advertisements