D Gmeind Wettige reagiirt uf d Vorwürf gege d Regiirigsratskandidatin

S Badener Tagblatt het mit eme Rückgriff uf de Wettiger Fiko-Präsident Christian Wassmer Zwiifel a de Kompetenze vo Gmeindrätin und Regiirigisratskandidatin Yvonne Feri gstreut. D Gmeind Wettige reagiirt da druf mit ere Mediemitteilig zum zitiirte Bricht.

2016-10-31-09-29-12D Gmeind Wettige wist druf anne, dass de Gmeindrat in Ergänzig zur LOVA 2 au d Organisastions- und Führigsstruktur vo de Soziale Dienscht het lah überprüefe. De Bricht git 42 Empfehlige ab, wo sich bsunders um d Struktur vo de Soziale Dienscht, Schnittstelle, Kompetenzverteilig und ähnliches drülled. Au zu de finanzielle Ressource, em Know-how, de Technik, de Infrastruktur und em Personalberiich liged Empfehlige vor. D Themene sind nach Dringlichkeit gwichtet worde und werded jetzt bearbeitet.
S Problem isch, dass d Personalsituation bi de Soziale Dienscht – wi au in vilne andere Gmeinde – sehr aagschpannt isch, schriibt d Gmeind in de Mediemitteilig. Au d Iiarbeitig vo noiem Personal bruuchd vili Ressource.
D Themeschwerpünkt, wo ufgrund vom Bricht priorisiirt worde sind, sind d Ufgabe, Kompetenze und d Verantwortig, es Funktionsdiagramm, d Ufgabeteilig zwüsche de Buechhaltig und Sachbearbeitig, s EDV-Controlling (Projektstart im 2017) und d Erhöchig vo de Stelleprozent im Beriich Administarion/Sachbearbeitig.

De Gmeindrat  het deshalb entschide füf konkreti Massnahme iizleite.
1. Es wird e uf drü Mönet befrischtete 80%-Aastellig von ere Fachperson im Beriich Sozialhilf geh.
2. D Leitig vo de Soziale Dienscht sell zäme mit de Leitig Personal di Schtell so schnell wi möglich bsetze.
3. D Umsetzig vo de prorisiirte Themeschwerpünkt wird durch e Fachperson begleitet.
4. D Leitig Soziali Dienscht isch vom Gmeindrat beuftrait worde, d Stelleerhöchig im Beriich Sachbearbeitig z errächne und bim Iiwohnerrat z beaatrage.
5. D Leitig Soziali Dienscht isch beuftrait worde, im Januar 2017 em Gmeindrat en Bricht übers Erreiche vo de Umsetzigsziil vorzlege.

Advertisements