D Wahlunterlage sind hüt bi de erschte Wahlberechtigte aacho

Am 18. Dezember 2016 sind zwei Ersatzwahle. Di erschte Wahlcouvert sind scho wider zruck im Rathuus.Für de Markus Dieth müend d Wettigerinne und Wettiger en noie Gmeindamma und en noie Gmeindrat wähle. Während bi de Ersatzwahl zum Amma alles klar z si schint, wil numme de Roland Kuster v de CVP kandidiirt, gits für d Ersatzwahl drü Kandidate. De Roland Michel (CVP), de Martin Egloff (FDP) und de Michael Merkli (BDP).

Di erschte Partei hend scho Hearings duregführt und ihri Empfehlige mitteild. De Roli Michel wird vom Vorstand vo de EVP zur Wahl empfohle, de Martin Egloff vom Forum 5430 und de glp, wobi letschteri betond, dass numme Nuance zum Entscheid für de Martin Egloff statt em Roli Michel du Usschlag geh hend.

Fehlt oiri Partei, obwohl si scho en Empfehlige abgeh heh? Dann melded oich bi ois: wettigernews(at)gmail.com. Mir ergänzed es gern.

Advertisements