Di zeh Turnhalle z Wettige bieted für de obligatorisch Turnunterricht i de Schuel z wenig Platz. Jetzt sell Abhilf gschaffe werde.
Scho sit Jahre esch klar, dass de Bedarf an Turnhalle grösser esch wi de Bstand. Us dem Grund hets scho im 2013 en Wettbewerb geh und im 2014 het de Iiwohnerrot em Kredit vo fascht 1.95 Millione Franke zugschtumme, damit s Projekt von ere Drüfachturnhalle cha usgschafft werde. In de damalige Septembersitzig het de Iiwohnerrat au bschlosse, d Halle durch en Generalunternehmer erstelle z lah. Das isch zwar tüürer, wil es im Priis en Risikozueschlag het, aber dafür sind Koschte fixiirt und es cha in dere Bezihig kei bösi Überraschige geh. Bi de Sitzig am Mittwoch, 14. Dezember 2016 wird de Iiwohnerrat über de Kredit in Höchi vo 12’787’000 Franke für di Drüfachturnhalle entscheide. S Kreditbegehre chunnt danach aber au no vors Volk.
Wettiger Nochrichte 